مجتمع ما يحب الواقع ديما هارب عليه،ماجيتش بش نافق جيت نڨلو اللي تبكيه
عايشين في مجتمع نحاس مغلف بالذهب
الساقط يتحب و الرجال يتذل يتسب
برشة عباد سقاط كي أم البويا تتڨلب
تي عيشا ماذ فاكر ڨلبي و راسي منها تعب
عباد كالأرض البايرة منهم لا تستفيد
منافقين و كلام النية معاهم لا تفيد
وجوههم كي الحديد الي كلاه الصديد
عالسقاط هذوما عيش كلبك نص عيد
عباد مخاخها ذيوبة ما يحبو العبد المليح
يعفسو عالعاقل و يتكبسو مالقبيح
سكاكنهم فيك تتغرس وقتلي بيك طيح
معاهم عيشة سبورة كحلة عمرة ما تعطي الصحيح
عقليتهم كيما البورصا
ما عندكش ما تسواش
ضميرهم مكمش و الرحمة يكسابوهاش
كي تواتي فيهم أعفس و إنتي اللي ما توخرهاش
لازمك تكون عيساوي بين العقارب و الأحنــاش
عقليتهم مطرڨة غادي زيتهم مال لسرڨة
أعمل الخير تلڨى الشر ، مــان نيكه فيه ، و إتكيه
عباد في مخاخها تخدم تتهجم بش تعاشرهم
متنجم الڨلب أسود وعڨلهم سفيه يضيع عليك الڨلب
و يضحك عاللي شاريه
عيشتهم مفبركة و همهم كان الفلوس
اللي ليهم الڨلب الباهي معاهم لا يجوز
معنى الحـب عندهم ساكس
تعنيق و فرش و بوس
الزنوس على بدنهم لازم ندوس
عشنا في يمين البكوش عمرنا عديناه في ڨلبو
عشنا في التحنديرة و الصبابة علينا غلبو
مالآخر عالآخر عينك ديما عالأكتاف
قبل الفاحشة ثبت بالكشي ڨدامك منداف
ذراعك يا علاف هو اللي تعمل عليه
سرّك في ڨلبك إكتم و ردبالك تحكيه
لا بالحبل المهرّي و عمرك معلڨ فيه
ڨدر مڨدّر لازمك تڨدر تعدّيه
الدنيا طيشتنا في وسط عباد لا حنان
فازي تنكي إفترس عمرك ما تعطي الأمان
إبني عالموت خلي ڨلّة الفلوس بيك تحلي شكون لڨيت في ڨبرك هبّار يا إنسان
برشا عباد سقاط كلمة إنسان فاهم خسارة
كذبو و تنوفيق للرجلة قدمو الإستقالة
من كلامهم عمرك ما تسلم لسانهم حاضر بالمرارة
الغيرة عماتلهم عينيهم في ڨلوبها خلات أمارة
ثنيتهم متربح طريڨهم الكلها شوك
كي يشوفوك عايش خير منهم في الأفة ما يهزوك
يڨطعو و يريشو عاللڨمة يحسدوك
في عرضك يخيشو في غيابك يسبوك
الدنيا توريك دروس mais عمرها ما تربي
نحبك بير غارڨ سرك في ڨلبك تخبي
خلي الناس تتكلم عليك الذنوب تعدي
خلي ڨلبك ديما صافي و الشدة في ربي
لازم تصون لسانك و تخلي روحك محبوب
و عمرك ما تبكي عالدنيا إبكي عاللي في الڨلوب
الكمال لالله و الكلنا مليانين عيوب
يالحساد زيدو سبوني خلي نقص الذنوب
حـــومة هذايا كلام مستحيل نبدل فيه
مازلت عايش وحدي بحثي ما نخرجش فيه
الغدر خايب الشنب ما نعطيه
ڨلبي دفنتو في الڨبر بربش لين تخلط عليه
لا يوجد تعليقات
أضف تعليق