ياليلي و ليلا و أش باش نشكيلك ياما
وڨالولي لا لا صغير و في قلبي غمة
نحب نطير ونطير لفوق يحبو يڨصولي جناحي
وليدك راني مخنوڨ منك طلب سماحي
حومة كلها موحلى
دڨ دڨ دڨ كلها تشوف في الدنيا كحلة
صحراء قحلة
دڨ دڨ دڨ باش تشوف الدنيا أحلى
و الحومة مفحلة
دڨ دڨ دڨ تستنى في عسل النحلة
صبورة كحلة
هزنا التيار ورمانا في عقاب الرحلة
ضايع بين الحيوط و ملقيتش بلاصة حومة بين بلاد رهوط ياما
خلوني بشيخة مصموط و حكمونا سراڨة و الكراسي بالهبوط
نحب نشد الroute ونڨلب المناضر نڨلب وجهي من هنا ياما
ما نحب نعيش الحياة بالموت نوفى كيما ولد الجارة بشيخة تبلى
ياليلي و ليلا و أش باش نشكيلك ياما
وڨالولي لا لا صغير و في قلبي غمة
نحب نطير ونطير لفوق يحبو يڨصولي جناحي
وليدك راني مخنوڨ منك طلب سماحي
ريوس الرجالة مايلة
رزنت بالتخمام و بالشيخة المخاخ مبيلة
ولاد الحومة شواطن مقيلة
شر في العينين بالخير مهيش مستفيلة
يحبو يسوڨونا كيف الزايلة
و مربط في زريبة و خطوة الساڨين مكيلة
يحبوك بري ماعندكش عايلة
نعيشو في سيستام حكموه ولاد المتحيلة
يحبوك غايب عالوجود
ساكت على حقك راضي بلي يحبو موجود ياما
تجري و ماكش خالط على الڨوت
أش خلى ولاد الحومة ڨطع ڨطع مالحدود
صيد و في ڨفصك مربوط
والضبع مسيب و زيد كلالك عشاك ياما
يحبوك ڨاعد في زنڨة مرفود
والمستقبل تشوف فيه متعدي بحذاك
ياليلي و ليلا و أش باش نشكيلك ياما
وڨالولي لا لا صغير و في قلبي غمة
نحب نطير ونطير لفوق يحبو يڨصولي جناحي
وليدك راني مخنوڨ منك طلب سماحي
ياليلي و ليلا و أش باش نشكيلك ياما
وڨالولي لا لا صغير و في قلبي غمة
نحب نطير ونطير لفوق يحبو يڨصولي جناحي
وليدك راني مخنوڨ منك طلب سماحي
لا يوجد تعليقات
أضف تعليق